ილუზიების მუზეუმში ბავშვები აღმოაჩენენ, როგორ შეუძლია ილუზიას ჩვენი გონების მოტყუება. ჰოლოგრამები, ოპტიკური და სივრცის ილუზიები შენს გონებასა და თვალს ეთამაშება. ერთი შეხედვით უბრალო სარკე რეალობას თავდაყირა აყენებს, ხოლო სამგანზომილებიანი ფიგურები იმაზე დიდ საიდუმლოს მალავენ, ვიდრე ბავშვები წარმოიდგენდნენ. ისინი აქ თვითონ გახდებიან ექსპერიმენტების ნაწილი და შეძლებენ, საკუთარი თვალით იხილონ, როგორ მუშაობს მეცნიერება ფანტაზიასთან ერთად.

ჩვენს სივრცეში ბავშვები გართობასთან ერთად შთაბეჭდილებებით ივსებიან, სწავლობენ, ხვდებიან, რომ სამყარო საოცრებებით არის სავსე და რაც მთავარია, ამ საოცრებებში თავიანთ ადგილს პოულობენ.